ورقتي
حبيبتى
ورقتى
دا مهما بعدتى
عشيقتى .. صديقتى
حقيقتى وكريمتى
شبابى وطفولتى
جنونى وشجونى
وحيرتى وسترتى
وسيرتى وقيمتى
ووليفتى وأميرتى
بتلملمى ف لومى
فنونى وظنونى
ورقتى ابتسامة
ويمامة وحمامة
لسلامك
مفتونة بوصالك
وبانسى معاكى
مشاغلى ومشاكلى
وشكلى اللى باهت
والفرحة اللى تاهت
باحس أنى ملكة
بتاج من حروفك
أو أنى أميرة
وعايشة ف قصرك
ملاكك سكوتك
سطورك
ريحانك ورودك
نجومك طريقى
وملمح سعاتى
وبيتى وذاتى
وابنى وبنتى
غاياتى وناياتى
بتعزف آهاتى
على لحن هادى
بينسى المآسى
ويحفر حنانك
ف زمنى اللى قاسى
هيامك ف روحى
بيحضن جروحى
فألقانى نسمة
شفافة ونقية
وديعة وهادية
ندية وذكية
ورقتى بياضك
بيلمس ف قلبى بياضة
ويبقى ميعادك
ف عمرى وداده
حبيبتى ورقتى
دا مهما بعدتى
عشيقتى
وصديقتى
ليست هناك تعليقات:
إرسال تعليق