شراغيش
طبش يا عيون الشراغيش
أصحاب القول المتلون
يهبر والهبرة
بتتحول
دولارات
وكنوزه بتتكون
أبو قول مدهون
يا نهار مسنون
أفتح بابك
دا الحظ شباب
وأنت يا غلبان
أقفل شيشك
وأعمل عيان
يا دواف الهوا
صابه النهاوند
وياه ضحكة
بالطول والعرض
على ليلتك عال
ما استحملش دمع المحروم
أفرد كفنك
أو روح ف النوم
وتعالى يا مركب مفروشة
وخمسة نجومك
دى ورودك
عايمة على عومك
وإيه حايحوشك
يا دروس وأنياب
مدسوسة عذاب
قسوة وبشابيش
مفرودة بطيش
بشبش فى الروس
المهروسة على أحلى كروش
وأهو حلق حوش
تكسب وقتك وتعيش مهبوش
جوه مرايتك
حايجيلك يوم
تترمى ع الكوم
تحت البدروم
والصحة تروح من أمثالك
طبش ف وراك
أو أدامك
دى الدنيا مسيرها
تطبش فيك وتطبش لك
وحتفرش قبرك بعذابك
أو تهرش لك
ليست هناك تعليقات:
إرسال تعليق