فات اللي فات
من شال شئ
قال له الزمان
هاتوا
قالوا الحكم همه
وبعد كده ماتوا
وإحنا اللى عايشينها
فاتوا أساطيرها
وحكاية ف حكاية
عن خيرها بين نيلها
وبحرها وطيرها
الدنيا فين نورها
مشغولة بهمومها
بألوانها وفتورها
كدابة قلابة
ووشوشها دحلابة
سارحة ما بين ويلها
ع الحيطة ألا عيبها
فارده ف عيون عيبها
فات اللى فات خيره
جوه قلوب طايره
والطير مازال طاير
ع الفرحة أهو صابر
جوه سماه داير
غضبان علينا ليه
إحنا بأدينا إيه
سابنا الحنان للخوف
سابنا الأمان لحروف
مادية بين أرقام
والود يتكسر
على عتبة الأوهام
وإحنا بنستنى
تضحك لنا الأيام
والطير يلاغينا
يمكن يداوينا
ويعود الزمن بينا
فات اللى فات خيره
جوه قلوب طيره
ليست هناك تعليقات:
إرسال تعليق