لأمتي
يا سر الخوف المزروع
ف نخيل العمر
يا بداية التواريخ
والجرح
روح البكا
جاية بالأمر
بتقلل معنى الفرح
ونزيف الأنات الباقية
المتعرية
من عشق الحضن
يا نهار بيسلم
ف الليل الوقت
وتكفن أحلامنا
بريحة الموت
يا حقيقة
إدراك الحق
يا عجل اللحظة
المتقادة بصدق
اليوم بيقرب
ويعدى
بيلعب ف شعورنا
وينكش ملامحنا
ويسيبنا ف قلب الخوف
ولأمتى حنطوف
بصوانى ف عب السنوات
وآهات العمر
أبراج الإحساس
بالظلم جدايل
ف طريق
الحزن الشاهق
الشامخ
الحاير
الداير
الفاير
ولأمتى
حاتدارى وأخاف
وأصحى الصبح
بنفس الحالة
وأبات ف حياة
أحضن من خوفى
الخوف وسراب
وعذاب ملهوف
لأمان
ولأمتى
ليست هناك تعليقات:
إرسال تعليق